Georiders – Mountain Biking in the Caucasus Mountains in the Republic of Georgia

30 ივლის ჯეორიდერები დავით ჩოხელი, გიგა, მამუკა, გიორგი, თორნიკე, გოგა და  სტუმარი ხაიმი გავემართეთ ბორჯომის რაიონში მიკრო ავტობუსით. სიბნელე იკო როცა ჩავედით და დავბანაკდით იმ ღამით ბორჯომის პარკში გოგირდის ბასეინებთან სერნებზე. გავშალეთ კარვები დავანთეთ ცეცხლი, ვივახშმეთ და ვიბანავეთ გოგირდის ბასეინში. მეორე დილით ვიცურავეთ ბასეინში და გავემართეთ მთის ველოსიპედებით სოფელ ჩობისხევში, საიდანაც დაიწყო 14 კმ აღმართი უსწორმასწორო მიწიანი რელიეფი. ვიარეთ მთაში 5 საათი და ბოლოს მივედით სოფელში სადაც 4-5 ოჯახი ცხოვრობს, სოფელი ზღვის დონიდან 2200 მეტრზე მდებარეობს. ამ სოფელში მცხოვრებთ 50 წელიწადია შუქი არავის უნახავს. საღამო იყო როცა ავედით, საკმაოდ ციოდა მიუხედავად იმისა, რომ თბილიში პაპანაქება სიცხე იყო ამ დროს. იმ სოფელში ერთი ბებო ცხოვრობდა რომელიც გაგვიმასპინძლდა და ბიჭებს თბილი ქურთუკები ათხოვა. იმ საღამოს კარვები გავშალეთ კახისის ულამაზესი ტბის ნაპირას და დავანთეთ კოცონი, მივირთვით ბებოს შემწვარი კარტოფილი და გამომცხვარი ხაჭაპური. იმ ღამეს ისე ციოდა ლამის კარვებში გავიყინეთ. კახისის ტბის გარშემო მდებარეობს სამი ულამაზესი პატარა ტბა. ერთი ტბა არის გოგირდოვანი და მეორე ტბას შუაგულში აქვს კუნძული.
მეორე დილით ჩავედით ტბაში და კარგად ვიცურავეთ ბიჭებმა. ტბაში შეინიშნებოდა უამრავი თევზი. ავშალეთ კარვები და გავემგზავრეთ ალპური ზონის მიმარტულებით მთის მწვერვალისკენ 2600 მეტრი ძღვის დონიდან, საიდანაც გადავედით ბილიკების გავლით ბაკურიანში და დავეშვით ისევ ბორჯომისკენ. მტის წვერიდან ცანდა ბორჯომის ტყეს მოკიდებული ცეცხლის კვამლი. გვიან საღამოს გამოვემართეთ თბილისისკენ მიკრო ავტობუსით. ამ სამ დღეში უამრავი რამის ნახვა მოვასწარით თქვენ შეიძლება ვერც კი წარმოიდგენთ.